인도네시아 자살폭탄 테러범 2명 체포
필리핀 정부는 지난해 졸로 대성당 자살폭탄 테러 관련 지역 테러리스트 용의자 총 3명을 체포했다고 밝혔다.
MANILA, Philippines — Bumagsak sa mga elemento ng Joint Task Force (JTF) Sulu ang isang babaeng Indonesian suicide bomber kasama ang dalawang iba pa sa isinagawang pagsisilbi ng search warrant sa pinagkukutaan ng mga suspek sa Sitio Kuppong, Barangay San Raymundo, Jolo, Sulu kahapon ng madaling araw.
Kinilala ang mga nahuli na sina Rezky Fantasya Rullie, a.k.a Cici, na isang Indonesian national at ang mga kasama nitong mga Pinay na sina Nur-Aina Alihasan alyas Inda Nhur at Fatima Sandra Jimlani.
Sa ulat na nakarating kay Lt. Gen. Corleto Vinluan, Jr., Commander ng Western Mindanao Command, nahuli ang tatlo sa bahay ng isang local terrorist group sub-leader na si Ben Quirino Yadah, a.k.a, Ben Tatoo.
Nasamsam ng mga operatiba ang ilang sangkap sa pampasabog kagaya ng improvised explosive device (IED) vest rigged na may dalawang pipe bombs at iba pa.
Ang tatlo ay nasa kustodiya ngayon ng Criminal Investigation and Detection Unit (CIDU) hinggil sa kasong isasampa laban sa kanya.
Ayon kay Brig. Gen. William Gonzales, ang pinuno ng Joint Task Force Sulu na matagal na nilang minamanmanan ang babaeng Indonesian bomber matapos ang nangyaring kambal na pagsabog sa Jolo noong Agosto 24.
Si Rullie ay pangunahin sa kanilang mga listahan na magsasagawa umano ng mga pambobomba matapos na mapatay ang kanyang mister na si Andi Baso, isang Indonesian foreign terrorist sa engkwentro ng mga ranger battalion noong Agosto 29, 2020.
(kuha mula sa : Rhoderick Beñes at Joy Cantos (Pilipino Star Ngayon ) - October 11, 2020 - 12:00am )
*이 정보는 한국뉴스와 협약을 맺은 외국인센터 객원기자에 의해 정리되었습니다.