가족 접촉 예방 위해 자택경리 금지!
필리핀 내무부 (DILG) 장관 Eduardo Año에 따르면 COVID-19에 감염된 사람들이 더 이상 가족을 감염시킬 수 없도록 자택경리를 피하는 것이 중요하다고 강조했다.
MANILA, Philippines — Planong ipagbawal na ang home quarantine upang maiwasan ang transmission o hawahan ng COVID-19 sa mga tahanan.
Ayon kay Department of Interior and Local Government (DILG) Secretary Eduardo Año, mahalagang mailabas ng bahay ang mga taong dinapuan ng COVID-19 upang hindi na nila maihawa ng sakit ang kanilang pamilya.
Maaari naman aniyang dalhin ang mga pasyente sa mga COVID hotels at mga quarantine facilities upang doon mag-isolate at tuluyang magpagaling ng karamdaman.
“What we are really going to do is really strictly implement the no home quarantine kasi mayroon na tayo, halimbawa sa mga well to do, mayroon naman tayong COVID hotels na kung saan puwede sila mag-isolate,”
ani Año. “Very important kasi na talagang mailabas sila sa bahay kasi ano eh nahahawa ‘yung pamilya. That is for the sake of family members.”
Sinabi ni Año na sakaling maipatupad ay walang exempted dito, kahit pa aniya ang mga matatanda na hindi na kaya pang ilipat sa mga quarantine facilities sa kanilang lokalidad.
Sa ngayon aniya ay tinatalakay na ng National Task Force (NTF) against COVID-19 ang naturang pamamaraan, na layunin nilang ipatupad ngayong linggong ito.
Nilinaw naman ni Año na bago ito tuluyang maipatupad ay kailangan munang maaprubahan ito ng Inter-Agency
Task Force for the Management of Emerging Infectious Diseases.
( kinopya mula sa : Pilipino Star Ngayon Mer Layson - September 9, 2020 - 12:00am )
*이 정보는 한국뉴스와 협약을 맺은 외국인센터 객원기자에 의해 정리되었습니다.